Yn y bennod olaf hon (gallwch wrando arni ar https://www.casgliadywerin.cymru/items/2234116), rydyn ni’n edrych ar straeon am ryddhau, a cholled. Rydyn ni'n clywed sut daeth ffoaduriaid Iddewig i Gymru i hyfforddi wrth iddyn nhw baratoi i ryddhau Cyfandir Ewrop. Rydyn ni’n gwrando ar filwyr o Gymru a oedd yn dyst i erchyllterau'r gwersylloedd crynhoi. Ac rydym yn dysgu am oroeswyr a lwyddodd i fyw trwy un o’r cyfnodau tywyllaf yn hanes y ddynoliaeth ac yn y pen draw yn dod o hyd i gartref yng Nghymru.

Byddwch yn clywed lleisiau goroeswyr, neu eu plant, a recordiwyd fel rhan o gyfweliadau hanes llafar a gynhaliwyd gan y Ganolfan Astudio Symudedd Pobl, y Gymdeithas Hanes Iddewig De Cymru, ag Amgueddfa Ryfel Ymerodrol. Gellir ei ddefnyddio i ategu dysgu am yr Holocost mewn ysgolion ar Gam Cynnydd 4 a thu hwnt.

RHYBUDD AM GYNNWYS – yn cynnwys disgrifiadau o wersylloedd marwolaeth a gwersylloedd crynhoi a allai beri gofid i rai gwrandawyr.

I gael gafael ar ein hadnoddau addysgiadol am yr Holocost a Chymru, sy’n addas ar gyfer Camau Cynnydd 3 a 4, ewch i https://www.casgliadywerin.cymru/learn/query/holocaust