Dyma hanes gyrfa Mr David Ian Griffiths, sy'n cael ei adnabod fel "Dai" i'w deulu a'i ffrindiau. Yn 91 mlwydd oed, rhoddodd Dai gyfweliad i Age Cymru Dyfed ym mis Rhagfyr 2024, lle bu’n sôn am ei blentyndod, yn ymuno â’r Awyrlu Brenhinol a’i brofiadau yn gwasanaethu yng Nghyprus a’r Almaen rhwng canol a diwedd y 1950au. Mae lluniau fideo o’r cyfweliad, yn ogystal â ffotograffau i’w gweld ar-lein yng nghasgliad David Griffiths ar wefan Casgliad y Werin Cymru yn Archif Cyn-filwyr Gorllewin Cymru. Mae'r ddogfen hon yn adroddiad naratif sy'n cyd-fynd â'r cyfweliad.